Uns grupos de persoas, cunha vida social en xeral moi activa, ante os problemas que a vellez comporta na nosa sociedade, deciden facerlles fronte dun xeito que facilite un apoio mutuo. Para isto, de acordo coa normativa legal da Comunidade de Madrid, forman unha Cooperativa coa que construír un centro onde poidan pasar a súa etapa final. A Cooperativa é a propietaria de todo o edificio, o mesmo os espazos comúns que os apartamentos individuais. Non hai división horizontal de propiedade para evitar calquera desviación dos obxectivos fundacionais.
